Penopolistirol bu näme ?

                
We näme üçin giňden peýdalanylýar, halk arasynda meşhurlygyny saklaýar?

Gurluşykda ýylylyk izolýasiýasy, fasad işleri ýa-da içki remont bilen meşgullanyp gören bolsaňyz — penopolistirol diýen ak, ýeňil, köpürjik ýaly material bilen hökman gabat gelen bolmagyňyz mümkin. Käbir adamlar ony penoplast diýip atlandyrýarlar. Olar şol bir zatmy? Geliň, düşündireliň — gysga, düşnükli we himiýasyz.
Penopolistirol näme?

Penopolistirol (PPS) — bu köpürjik görnüşli ýeňil plastmassadyr, onuň 98%-i howadan ybarat. Diňe bir plastmassa däl — örän gowy ýylylyk saklaýjy material. Onuň düzümindäki ownuk howa öýjükleri ýylylygyň çykmagyna ýol bermeýär we suwa garşy gorag döredýär. Bu material polistiroldan taýýarlanylýar — gündelik durmuşda bir gezeklik gap-gaçlarda we dürli gaplama önümlerinde ulanylýan sintetiki plastmassa. Penopolistirol bolsa şol plastmassanyň ýörite usul bilen köpürjik görnüşe getirilip, ýeňil we ýylylyk saklaýan görnüşidir. Şeýlelikde, ol ýeňil bolsa-da, çydamlylygyny we peýdalaryny saklaýar.
Penopolistirol näme üçin amatly?

Penopolistirol köp ugurda peýdaly bolan amatly materialdyr. Şonuň üçin ony gurluşykçylar, dizaýnerler, gaplaýjylar hem-de hususy jaý eýeleri ýygy-ýygydan ulanýarlar. Ine, onuň baş artykmaçlyklary:

 	

Ýeňil we aňsat ulanylýar:
Penopolistirol örän ýeňil, gurluşykda ony götermek, kesmek we oturtmak üçin goşmaça tehnikalar gerek däl. Adaty pyçak bilen hem aňsatlyk bilen kesilýär.

 	

Uzak ömürli:
Adaty howa şertlerinde 20–30 ýyl aralygynda öz häsiýetlerini saklaýar. Daş-töweregiň temperaturasy üýtgese-de, öz gurluşyny bozmaýar.

 	

Gowy ýylylyk saklaýjy:
Howa öýjükli gurluşy ýylylygyň öýüň içinden çykmagyna ýol bermeýär. Şeýlelikde, gyşda ýylylygy saklaýar, tomusda bolsa sowuklygy saklamaga kömek edýär. Diwarlarda, fasadlarda, polda we potolokda giňden ulanylýar.



 	

Suw geçirmeýär:
Penopolistirol  çyglylygy (nemi) özüne siňdirmeýär, şonuň üçin suw bilen aragatnaşykda hem öz düzümine zyýan ýetirmeýär. Bu aýratynlyk ony yssy we çygly gurşawlar üçin hem amatly edýär.

 	

Tygşytly we elýeterli.
Bahasy beýleki ýylylyk izolýasiýa materiallary bilen deňeşdirilende has amatlydyr. Uly meýdanlary ýylytmak isleýänler üçin iň tygşytly çözgütleriň biri.

 	

Ulag we gaplama üçin hem amatly.
Köp sanly telewizor, mebel we elektronika önümleri penopolistirol bilen gaplanýar, sebäbi ol zarba garşy gorag döredýär.


Netije
Penopolistirol — ýeňil, çydamly we ykdysady taýdan amatly material bolup, häzirki wagtda-da gurluşyk, ýylylyk izolýasiýasy hem-de gaplama işlerinde giňden ulanylýar. Öz düzümi we peýdaly aýratynlyklary bilen ol beýleki materiallardan öňe saýlanýar hem-de ençeme ýyl bäri meşhurlygyny saklaýar. Siz hem penopolistiroly ýa-da onuň bilen baglanyşykly ähli zerur gurluşyk we izolýasiýa serişdelerini Akhunji.com.tm sahypasy arkaly amatly bahadan satyn alyp bilersiňiz. Biziň assortimentimizde islendik taslamaňyz üçin çözgüt bar!